«Педагогтардың кәсіби құзыреттілігін дамыту білім сапасын қамтамасыз етудің негізгі факторы ретінде» атты Мектепке дейiнгi тәрбие беру мен оқыту, орта және қосымша білім беру ұйымдары педагогтарының біліктілігін арттыру курсының ОҚУ БАҒДАРЛАМАСЫ

Бағдарламаның өзектілігі

      «Педагогтардың кәсіби құзыреттілігін дамыту білім сапасын қамтамасыз етудің негізгі факторы ретінде» атты мектепке дейiнгi тәрбие беру мен оқыту,  орта және қосымша білім беру  ұйымдары педагогтарының біліктілігін арттыру курсының білім беру бағдарламасы (бұдан әрі – Бағдарлама) педагогтардың біліктілігін арттыру курсының оқу үдерісін реттейді, білім сапасын қамтамасыз етуге бағытталған педагогтардың кәсіби құзыреттілігінің дамуына ықпал етеді. Бағдарлама еліміздің бәсекеге қабілеттілігін арттыруда білім беру мақсаттарына сәйкес сапаны қамтамасыз етуді қолдауға бағытталған. Педагогтарды оқыту білім мен инновацияның берік іргетасына негізделеді, ал оқыту мазмұны сапалы білім беру қызметін өткізу үшін барабар жағдай жасау және білім сапасын қамтамасыз ету бойынша барлық мүдделі тараптардың іс-әрекетін біріктіру үшін бағдар ретінде қызмет етеді.

      Курс бағдарламасы білім беру сапасын қамтамасыз етудің ұлттық жүйесін реттейтін стандарттарды, оның ішінде білім сапасын ішкі және сыртқы қамтамасыз ету жүйесін, сондай-ақ оқыту мен оқыту сапасын арттырудың теориялық және практикалық құралдарын зерттеуді қамтиды. Бағдарламаның мазмұны Қазақстан Республикасының білім беру саласындағы қолданыстағы заңнамасына сәйкес және халықаралық ұйымдардың ұсыныстары мен сапаны қамтамасыз ету саласындағы стандарттарды ескере отырып қалыптастырылады. Бағдарлама білім сапасын қамтамасыз ету саласында тұлғалық — кәсіби даму бағытын жобалау арқылы педагогтардың кәсіби дамудың жеке траекториясын анықтауда ғылыми-әдістемелік қолдау көрсетуге бағытталған.

     Педагогтардың кәсіби құзіреттілігін дамыту қазақстандық білім мен ғылымның бәсекеге қабілеттілігін арттыруға, адами капиталды арттыруға әкеліп соғатындықтан, педагогикалық кадрлардың кәсіптік құлдырауына жол бермеуімен де маңызды.

     Қазақстан Республикасының мектепке дейінгі, орта, техникалық және кәсіптік білім беруді дамытудың 2023–2029 жылдарға арналған тұжырымдамасында (бұдан әрі – Білім беруді дамыту тұжырымдамасы) Қазақстанның білім беру жүйесінің даму үдерістері педагогтарды курстық оқытумен біріктірілуі тиіс педагогтарға үздіксіз білім беруді басымдық болып табылатыны атап өтілген. Мұндай интеграция білім сапасын арттырудан күтілетін нәтижемен педагогтардың үздіксіз кәсіби дамуының тиімділігін арттыруға мүмкіндік береді. Бұл ретте педагогтардың өз сұраныстары мен «Педагог» кәсіби стандартының талаптары, еліміздегі және халықаралық деңгейдегі білім беру саясатының басымдықтары негізінде педагогтардың біліктілігін арттыру міндеттері кеңейіп келеді. Білім саласы тым алда болмай және дамудан мүлде артта қалмай дамып келе жатқан экономикамен қатар жүруі керек. Қазіргі уақытта елімізде білім беруді қайта құрылымдау үдерісі жалғасуда. Алға қойылған міндеттер кәсіби құзыреттіліктерді қалыптастырудың негізі ретінде тәжірибеге бағытталған біліктілікті арттыру курстарын енгізу арқылы сәтті жүзеге асырылуда.

 Тыңдаушылар үшін курстық оқыту ұзақтығы Бағдарламаның тақырыбына сәйкес 80 академиялық сағатты құрайды.

Бағдарламаның мақсаты:

Білім сапасын қамтамасыз етуде күтілетін нәтижесімен педагогтардың үздіксіз кәсіби дамуының тиімділігін арттыруға мүмкіндік беретін білім беруді жаңғырту жағдайында педагогтың кәсіби құзыреттілігінің жаңа сапалы жағдайының, оның зияткерлік мәдениетінің және сапа мәдениетінің жаңа сапалы жағдайын қалыптастыруды қолдау.

Бағдарламаның міндеттері:

1) Білім сапасын қамтамасыз етудің заңнамалық, нормативтік-құқықтық және тұжырымдамалық негіздерін зерделеу және жұмыста пайдалану;

2) білім берудегі сапаны қамтамасыз ету үлгілерін және олардың негізгі қағидалары мен құндылықтарын білу;

3) сапаны қамтамасыз ету рәсімдері мен құралдарын талдай білу және оларды педагогтардың практикалық қызметінде қолдана білу;

4) нақты білім беру ұйымы үшін сапаны қамтамасыз ету үлгісін құру бойынша практикалық дағдыларды қалыптастыру;

5) білім деңгейі бойынша сапаны қамтамасыз етудің сыртқы және ішкі рәсімдерінің ерекшеліктерін талдау;

6) білім беру сапасын мониторингілеу және бағалау.

Бағдарламаның күтілетін нәтижелері

1. Педагогтардың келесі қабілет пен дағдыны меңгеруі:

— білім беру сапасын қамтамасыз етуді жоспарлау және үйлестіру саласындағы Қазақстан Республикасының нормативтік құқықтық актілеріне талдау жасау және олардың практикалық қызметін қолдану үшін құқықтық дағдыларға ие болу;

— сапаны бағалаудың заманауи тәсілдері мен әдістерін бағалау;

— ұйымдағы білім сапасының ағымдағы жағдайын талдау;

— өзінің және білім беруді ұйымы қызметін, оның білім беру бағдарламасы мен тәжірибесін жетілдіру үшін әртүрлі бағалау түрлерінің нәтижелерін талдау және пайдалану.

— білім деңгейі бойынша сыртқы және ішкі сапаны қамтамасыз ету рәсімдерінің ерекшеліктерін меңгеру;

— халықаралық және ұлттық стандарттар негізінде өз оқу орныңызда білім сапасын бағалау жүйесін құру.